ربيع حائل
06-22-06, 03:42 PM
فتنة الحفل
فتنة الحفل زيدي مشيتك بختره
كل خطوه بروق وكل لفحه صهيل
باقي بين عقلي والجنون شعره
اقطعيها ياشينه عاشق ٍ مو هبيل
خلي الارض تاخذ شكل غير الكره
خلي النار تاخذ رمز غير الفتيل
من غدى الليل شعرك قلت انا بسهره
ومن غدى الصبح وجهك قلت مالي مقيل
ارقصي بين حد الذنب والمغفره
ارحلي في سكونك واسكني في الرحيل
ارجفي كنك الماء فززته احجره
واثبتي كنك الفضه بعين البخيل
وانحني مثل غصن ٍ في طرفه ثمره
واوقفي مثل فزعات بدوي ٍ اصيل
والفحي علمينا كيف تقدر مره
تزرع الليل صبح ، وتزرع الصبح ليل
في عيونك سواد ٍ يستحيل آخره
كامن ٍ في بياض ٍ اوله يستحيل
واحد ٍ تخزرين وما يجيك اخبره
اشهد انه عزيز واشهد انه ذليل
اترك العقد بين الجد والغشمره
يخبر الناس وش معنى جميل بجميل
كن بالصدر ظبي عيوننا تذعره
ينتفض يذعر الي ذاعرينه قبيل
ومفرق الصدر حبات العرق تجهره
كن لك عقد در ، وعقد من سلسبيل
بينهم حسد ربي بعد ما صوره
عقد وده يجف ، وعقد وده يسيل
آه ولا لمحته مقبله مدبرة
شفت مثلي نحيل ٍ زم حمل ٍ ثقيل
دام ذا عجز وش للناس بالمقدره ؟
دام ذا خصر وش لي بالخواتم بديل ؟
وسط ثوب ٍ خيوطه صمت في ثرثرة
به قليل ٍ كثير وبه كثير قليل
كل شيّ بجسمه يفضحه يستره
فيه فتنه قصير، وفيه حشمة طويل
كنه المخطي الي يطلب المعذره
وكنه الدامح الزله عن الي يعيل
في ردونه نقوش ٍ لا سنابل ذره
الله اعلم لو ان الريح هبت تميل
كل شي ونقيضه فيك بالمسطره
اقرب من النفس وابعد من المستحيل
كنك الكذب لكن ماحدٍ ينكره
وكنك الصدق ولكن مابيدينا دليل
باشت الغيد زيدي مشيتك بختره
لاجل اطاول بحرفي شامخات النخيل
شاعرٍ تلمس ايدينك على دفتره
تغرق بابسط اوزانه بحور الخليل
فهد عافت الشمري
فتنة الحفل زيدي مشيتك بختره
كل خطوه بروق وكل لفحه صهيل
باقي بين عقلي والجنون شعره
اقطعيها ياشينه عاشق ٍ مو هبيل
خلي الارض تاخذ شكل غير الكره
خلي النار تاخذ رمز غير الفتيل
من غدى الليل شعرك قلت انا بسهره
ومن غدى الصبح وجهك قلت مالي مقيل
ارقصي بين حد الذنب والمغفره
ارحلي في سكونك واسكني في الرحيل
ارجفي كنك الماء فززته احجره
واثبتي كنك الفضه بعين البخيل
وانحني مثل غصن ٍ في طرفه ثمره
واوقفي مثل فزعات بدوي ٍ اصيل
والفحي علمينا كيف تقدر مره
تزرع الليل صبح ، وتزرع الصبح ليل
في عيونك سواد ٍ يستحيل آخره
كامن ٍ في بياض ٍ اوله يستحيل
واحد ٍ تخزرين وما يجيك اخبره
اشهد انه عزيز واشهد انه ذليل
اترك العقد بين الجد والغشمره
يخبر الناس وش معنى جميل بجميل
كن بالصدر ظبي عيوننا تذعره
ينتفض يذعر الي ذاعرينه قبيل
ومفرق الصدر حبات العرق تجهره
كن لك عقد در ، وعقد من سلسبيل
بينهم حسد ربي بعد ما صوره
عقد وده يجف ، وعقد وده يسيل
آه ولا لمحته مقبله مدبرة
شفت مثلي نحيل ٍ زم حمل ٍ ثقيل
دام ذا عجز وش للناس بالمقدره ؟
دام ذا خصر وش لي بالخواتم بديل ؟
وسط ثوب ٍ خيوطه صمت في ثرثرة
به قليل ٍ كثير وبه كثير قليل
كل شيّ بجسمه يفضحه يستره
فيه فتنه قصير، وفيه حشمة طويل
كنه المخطي الي يطلب المعذره
وكنه الدامح الزله عن الي يعيل
في ردونه نقوش ٍ لا سنابل ذره
الله اعلم لو ان الريح هبت تميل
كل شي ونقيضه فيك بالمسطره
اقرب من النفس وابعد من المستحيل
كنك الكذب لكن ماحدٍ ينكره
وكنك الصدق ولكن مابيدينا دليل
باشت الغيد زيدي مشيتك بختره
لاجل اطاول بحرفي شامخات النخيل
شاعرٍ تلمس ايدينك على دفتره
تغرق بابسط اوزانه بحور الخليل
فهد عافت الشمري