اعجبتني

[الصقر الجريح]

قصيدة وصلتني واحببت ان تشاركوني قراتها
ارجو ان تعجبكم

بين تحقيق المحـال .. وبيـن تضييـع الوصـال
ضاع قلب ٍ كان يحمل طيـب هالكـون العظيـم ..

وبين تهميش العقـول .. وبيـن تسليـط الهبـال
زوّد الضحك الوصي فـي يـوم ودعّـه اليتيـم ..

وبين تحديـد الحلـول .. وبيـن تكريـر السـؤال
انتثر دمع المحاجر .. وانفتـح بـاب الجحيـم ..

وبين ترديـد الفـراق .. وبيـن تزييـف الليـال
صاح جرح ٍ يحترق في وسط شريـان الصميـم ..

وبين تغميض العيـون .. وبيـن تحقيـق المحـال
والكليم اللـي تكلّـم مـا سمـع صوتـه كليـم ..

وبين تحجيم المعـاني .. وبيـن تأسيس الـدوال
ضاعت علوم المدرس !! وأصبح الطالب فهيـم ..

وبين صيحات المحـب .. وبيـن نظـرات العيـال
قرّر المقفـي يـروح ولا علـى الدنيـا حليـم ..

وبين فزعات العمـام .. وبيـن صكـات الخـوال
ضاع طفل وضاع طفله .. والسبب هرجة غشيم ..

من (جنون الحرف) لين الحرف في(عين المثـال)
من (جنون العقل) لين العقل في (جن السقيـم) ..

كمّـل الحـزن المعانـي والمعـانـي في أضمحـال
وابتدآ فيني (غروب الحب) يـا حـب ٍ عقيـم ..

يا ضياع ٍٍ في ضيـاع ٍٍٍ فـي ضيـاع ٍ فـي خبـال
يا خبال ٍ زاد حـدّه مـن غريـم ٍ فـي غريـم ..

لا سكات ٍٍ فيـه خيـر ! ولا بقـى غيـر الجـدال
والبلاء صار الجـدال ! ولا بقى فالصمـت تيـم ..

لا وصلت اللـي أبيه ! ولا تحقـق لـي منـال !
لا ضحك وقتـي ثوانـي انقلـب طبعـه لئيـم ..

نـال قلبـي مـن حبيبـه نـال قلبـي نـال نـال
نال هم ! ونال حسره ! نال ضعف ! ونال ضيم ! ..

يا حبيبـي كيـف صـارت دنيتـي عنـدك زوال؟
كيف شمسي في سماك ولا حجبها غير غيـم !! ..

كلمتيـن ولا سمعنـا غيـر شـي ٍ مــا يـقـال
طعنتيـن ولا توجّّـع غيـر قلـب ٍ مستهـيـم ..

دمعتيـن ولا عرفنـا ويـش معنـى الإنهـمـال ؟
ليلتيـن ولا بقـى شـي ٍ مـن الحـب القديـم ..

احتمال الصـح وارد .. والخطأ فيـه احتمـال ..
يا اتزان الاعوجاج ..ويـا أعوجـاج المستقيـم ..

مـا يميـل الحمـل والجعبة تشيـل الأعـتـدال
ولا ذكرت السين صارت في نهاية حـرف جيـم ..

لا تثنّـى عـود مـوز ٍ ساقـه الغربـي ومــال
مـال قلبـي والليالـي همّهـا فيـنـي مقـيـم ..

يا خطوط العرض زاد الشك فـي عـرض الطـوال
والعدود الساقية .. مـا ذاق ماهـا غيـر هيـم ..

لاتقـرّب غـاز ظنـك مـن شكـوك الاشتـعـال
و ( المشاكل ) مـا تخلّـي لا خليـل ولا نديـم ..

ما قصرت الباع خـوف ولا خشيتـك فـي نـزال
والخصيم ليـا تفرعـن مـا يجيـه إلاّ خصيـم ..

محتوينـي عـز مجـد ٍ معتلـي كـبـر الجـبـال
معتلي فـوق النجـوم ولا علـى الدنيـا زعيـم ..

مـا ذخـرت إلاّ قصيـدي فالليالـي راس مــال
ولا أنحنى راسي لغيـر الواحـد الفـرد الكريـم ..

الله اكبر يـا زمـان ٍ .. زاد بـه( قهـر الرجـال)
والله اكبر يا زمان ٍ .. زاد بـه (كيـد الحريـم)..

قول من قالوا: يقول .. وقول مـن قالـوا : تعـال
قول عـذّال ٍ تكلّـم مـا خشـى يـوم ٍ عظيـم ..


هذا قول اللي سعى لـك مـا بغـاك إلا ( حـلال )
يوم (غيره) كل همه ( قصـة الليـل البهيـم ) ..

يحتـرق قلبـه عليـك ..إليـا تطاولـك المـجـال
ويدمح الزله يسامح .. صاحب القلـب الرحيـم ..

كان غيـره هـزّ فيـك الحـب يـا حبـه وسـال
لا على الدنيا سـلام .. ولا بقـى فيهـا سليـم ..

[المستكشف]

شكرا لك الصقر الجريح

قصيده رائعه

لو تكرمت اذا ممكن تكتب اسم الشاعر

[الصقر الجريح]

يعطيك العافية على تواصلك الدائم
مع كافة الاعضاء ومشاركاتك الرائعة
وردودك التي تضفي على المواضيع تميز اخر
دمت لنا ايها المستكشف
الشاعر < جزاء البقمي > ولا اعلم هل هو معروف ام لا

[المستكشف]

ألله يسلمك الصقر الجريح وماعليك زود

وتسلم علي تلبية الطلب

قرأت للشاعر عدة قصائد وأعجبتني

شكرا لك